Leikjanámskeið - Vöxtur og vinátta (Næsta námskeið: Júní 2026)

Um námskeiðið:

Skapandi og skemmtilegt leikjanámskeið fyrir börn (f. 2015-2016). Lögð er áhersla á styrkleika, gróskuhugarfar, tilfinningagreind, tjáningu, samkennd og félagsleg tengsl í gegnum hreyfingu, leik og nátttúru.

Það sem unnið er með á námskeiðinu:

• Að börn læri að þekkja og nýta eigin styrkleika
• Að efla sjálfstraust og trú á eigin getu
• Að kenna og þjálfa gróskuhugarfar
• Að auka tilfinningalæsi og tjáningu
• Að efla samkennd og virðingu fyrir tilfinningum annarra
• Að styrkja félagsleg tengsl

Ávinningur námskeiðsins:

Með þátttöku í námskeiðinu fá börn tækifæri til að þjálfa sig í að byggja upp traust og góð tengsl við aðra. Þau fá innsýn í hvernig mistök geta verið eðlilegur og lærdómsríkur hluti af þroskaferlinu og hvernig slík nálgun getur styrkt seiglu, sjálfstraust og trú á eigin getu.

Einnig gefst þeim kostur á að æfa sig í að tjá eigin tilfinningar á jákvæðan og uppbyggilegan hátt, sem og að auka skilning sinn á tilfinningum annarra.

Sigrún Líndal Pétursdóttir stofnandi og eigandi

Sigrún Líndal Pétursdóttir er með B.A. gráðu í sálfræði og M.Sc. gráðu í mannauðsstjórnun frá Háskóla Íslands. Vorið 2025 lauk Sigrún diplómanámi á meistarastigi í jákvæðri sálfræði frá Endurmenntun Háskóla Íslands.

Sigrún hefur áralanga reynslu af vinnu með börnum og starfaði í mörg ár á leikskóla meðal annars sem deildarstjóri og aðstoðarleikskólastjóri. Hún hefur verið aðstoðarþjálfari hjá Dale Carnegie og aðstoðarkennari í Sáttamiðlun sem kennd var í meistaranámi í Háskóla Íslands. Síðustu ár hefur hún starfað sem flugfreyja en ævintýraþrá, þörf á nýjum áskorunum og vaxtarhugarfar varð til þess að  flugfreyjustarfið kallaði á hana.

Vellíðan, vöxtur, hugrekki og styrkleikar eru henni mjög hugleikin og hefur hún í gegnum nám og störf lagt sig fram af einlægni  í  að virkja og aðstoða aðra í að vaxa og blómstra.